Galery Pantun Bima Dompu

1. Aina mbou loa sambea

Niki padasa raka kaimu dosa

Ncarasi cambe jabara’i ma cambo

Ncarasi renta jabara’i ma rente

( oleh Indah di Tambana)

2. Laomu loja wi’ipu arloji

Loja di wira angi wati wara

( Met di Wadumbolo)

3. Konema kuta kai saribu kata

Konema ciri kai saribu cara

Hela rui rangga ngge’pa loaku runggi

( Farlin di Risa)

4. Lampa – lampa di Dana Lampe

Lampa sarindi sura raka saronde

( By Jerry di Kodo)

5. Nggomi mantika tiloa da’ wa’a ma niki

Wa’usi niki ndai tiloa da nika

6. Wa’apu ni’u upa ntari

Di tero ade woha dana mantaru

Di Ntanda ra eda ba dou ma ade

( Adin Dara City)

7. Pai ma bade weki di mamade

Ngari wi’i rade hampa wo’o

Romompa ndeu di daloa ba ndai

( By Fina di Songgela)

8. Pai wara dou malao ese wura

Kadidi weaku kafero ntara

Di weha kai oi ala wunga rindi ai

( Dari La Fia)

9. Tiwa’umu rada iu dei rade

Pai da wara amal ibada

Ma kaneo nduku ra boda

( dari Firman)

10. Tiloaku maru sabala mamore

Bakawaraku pahumu di lingga pohu

( by Firman)

11. Bauku caru kai ndeu dei Lakei

Tibade balumba ma na’e

Ndeu labo dou Ne’e

Asa tae se di ma rere

Rima ta’ awa di ma daro rero

( Rois di Pantai Lakey)

12. Doro ma leme kulangga lima

Oi Madei Lampakai Ndai Dua

Batu Ca’u Ra Ne’e ti bade doro mana’e

Be Ra Lao kai mode nci’i kaiba nawa mada

(Si’ Ona Di Woko Dompu)

13. Oe.... Amancawa, Nahu Wa’ura Ncuwu

Ncuwuku Sa Suwu, Bara lepiku Siwe

Siwe ra lepi, nawa’ura wa’a ba lopi

Lopi ma penge watira wa’u di ponga

(Saddam – Nitu)

14. Waraku siwe sabua, Sampela Kampo Sabae

Ra laoku lamba ncora ao ba balumba

Balumba mana’e, batu ca’u ra ne’e

Ne’e doho gande tanda kacampo nu’u

15. Nggomi Malao Ade Nami Malalai

Nami Mamidi wati dengga samada

(Tuan Takur Di Gindi)

16. Susa Auna Dawara Dou Mode

Rakasi Ba Maru Cua Kimi Mamore

Rakasi Ba Kakente Wati iu Rana Kontu

(Eron Kabuzino Di Songgelo)

17. Aina Pehe Ma Dawara Pahu

Koneku ringa tiwa’uku ipi ringu

(Adin Dara City)

18. Aura Urimu Di Tando Orimu

Dana Sa Wawo Isina Sawuwu

Tiloaku Ili Nggahi Raka Eli

19. Aina siwi mada doho masiwe

Tiwara kontu di ka’ulu ka kento

Podasi monemu welipu tolo masa dundu tolu

(Adin- Dara City)

20. Couma Rawa Ade Wunga Rawi

Co’oku Nggala Ba Ne’eku Nggilo

Kambeiku Kentu Loaku Doho Ncau Kontu

21. Wontu Samada Tiwara Dou Mode

Rakasi Maru Cua Kimi Kamore

Rakasi Kakente Tio Rana Kontu

(By Nisa Di Tolotongga )

22. Ku samadasi Dipi Doho Kai Mode

Kaluru Kamore Luru Pita Maru

Ronggasi Kawara Nangi Wa’u Ampo Wira

(By Tini Di Panggi)

23. Auku Ru’una Dou Ma Daloa Karo’a

Doho Ta’awa Ngena Jangko Wi’i ba iwa

(Dae Seko Di Tanjung)

24. Wa’apu Nahi dimama Ina Nahu

Watisi Wa’amu Wati rakamu Nahu

(Dari La Choky )

25. Aina ngau Nggomi ma to’i ka ngio

Wa’amu mone labo da loamu muna

Ujuma’asi rahi tembe cou diraho

(Jiboenk Anak Radom)

26. Waraku sabua siwe ipa bae

Mbeiku Oha Na Boho Ka iha

Mbeiku Oi nono dodo kaiku ninu

(Dari Yuli Dou Risa )

27. Waraku siwe ra pada di wombo sawo

Katiosi gegana wancuku gagana

Katiosi kopana bune kalete kapa

Katiosi wiwi bune kambeo wowa

Katiosi gendi bune duwe ma ganda

(Dari Popon Jo lano)

28. Kalosapu piti dei jaket di cola kai jakat

Ede kau kaiba ruma bai dawara ademu marome

Watisi kade’mu nggahi Ruma na Dompo weaku rima

(Ibu Dian Di Rabangodu)

29. Gaga Kadumpa Siwe Dou Dompu

To’i kapori kanina ro poro

Siwe Ede Mabu kai ba ade

(Dari Bahtiar di Jatibaru)

30. Mane’esi caru ngaha aina ngoho

Ngupapu tolo bai da lao talu

Mbotosi Fare Disana kai ba dae ferri

(By Ompu Ngame Di Ntori Wawo)

31. Aina ra ngoho warasi di ngaha

Na mai mbere ma sambaru mbura

Wa’usi ra kanta aina naha kente

Wa’usi rangoa aina ngaha ngau

(Hartoyo di Lela)

32. Malao si sakola ngguda wi’ipi kalo

Wawaku disamada ba nami mamidi

Wa’u sira mbua mboto dou dimbei

33. Deina oi galu kaiku ai

Deina moti galukaiku mete

Deina ade wati loa di eda

Deina ne’e wati bade to’i na’e

(By La Fan Ma Dondo Rewo)

34. Nguda pi fare kau kai ba dae ferri

Kabinipu tolo baiba lao talu

Wa’usi bini tolo caru lalompa tala

(Dari Ibu Dian Di Rabangodu)

35. Indo dara rece londo iha maricu

Na tu’u te’e ba umu mbuipu to’i

Paira ngawa lalo ana wa’ura sa lulu

Paira ricu ca’u ana ndai loara di ce’i

(By Farlin di Risa )

36. Ringa Mena ari siwe mone

Aina nggahimu cari hidi ma ceri

Wunga doho duamu setan ma deimu

Nggomi doho ma doho setan ma kadaha

Wa’usira ndede wati loa na da ndada

37. Caru auku nedu di mada oi ceri

Caru busi awawombo jambata besi

Tiwara Dou Makanta Huku Kali cempe Kontu

38. Tu’uku di nifi wunga maru nefa

Sodi kantiri kombi mbuipu ntaru

Ntanda kamidi nggomi wa’ura moda

39. Hantaku mada ku ntanda tio kamidi

Edaku Siwe bune janga sawu

Katiosi lokina bune wua loka

Katiosi asana kune’era supu iso

Kasamadasi ede tiloaku wari ade

(Dila di Sila Nggeru)

40. Ana ra nggana di wura ma nggini

Rakana’e kai dori na’a

Wa’usira na’e mboto dou ma ne’e

41. Dana Mbojo watira mbuja

Na wa’ura raso niki kai ba rasa

Na wa’ura bae pimpim ba ama ma bou

(Farlin Di Risa )

42. Tekaku doro cempa kone deri

Doro ma titi kasimpa raka la tuti

43. Wancuku susana mori ara uma bui

Ore ma supu loro ba ngaha uta mbeca lara

Wati wa’uku tanggi ba ngaha oha satongko

Buiku samba’a ba ra wehaku mbe’e

(Arief Di Rutan Bima)

44. Aina hari kese ade kamarmu ma koso

Ringasi ba abu naka ceiku wara aba

Ringasi ba umi na nangango dou sa uma

Nahumpa ma hibur kade’e kaimu haba

Haba ma da tantu maina dei tente

(Bai Man Di Kelurahan Panggi KotaBima )

45. Dongaku ntara ma ngge’e ka ntero

Dongaku langi wancuku balingo

Buneku da balingo wati wara lenga

(Bahtiar – Jatibaru )

46. Nae aumu Na’e dou ta Nggomi

Katiosi kopamu Bune tope kapa

Katiosi monggamu bune fu’u mangge

Na’e kente bune garaha mantu’u

( Badin di Tambana)

47. Ngupa sidi sambia sura tengo kai sambea

Aina Ngaha kantawi sura ntuwu

( Khalid Wadu Mbolo)

48. Samena na isi ala mpoima ringa eli

Bin atto marero mpoima nangi roro

Nangi sia malai bantu wati loa

( Sri di Kebun Nangka)

49. Asi mantoi cou mantau

Aina nefa sakali kone ma lao sakola

Ndai dou mbojo ta Ntauku maju

(Adin Dara)

50. Iha Na adeku tiwara dou ma eda

Adeku Bune ra Dompo eda ita ma kidi Dampi

Nggahi si Ca’u aina hori Co’o

Adeku na lalai eda ita ma lao

51. Mori midi kawarapu made

Katahopu rawi aina dondo rewo

Wara si piti ta Nggadu pu patu

52. Talaosi haji ese dana maka

Sambea ra rahopu di maka Ibrahi

Simpana teja sambea di multaja

Simpana tarima Ba Ndai Ruma

53. Wati loa mangaku isila

Mangaku kambou tingawa sambea

Sodi di rade indo taloa cambe karidi

( Sri di Kebun Nangka)

Sastra Daerah

Patu Ne’e Angi

Amaniae ..........

Lampa di tolo ma sadundu tolu

Ancamu siwi di mada doho siwe

Auku edamu dawa,u kaimu wari ade

Warasi ne,e aina ntanda ni,i.

Amancawae..........

Ade weki upa dou, katioku sabua di weha sabae

Makani kabaya kala, mantika ndi kili

Sarome ome, labo woi di’ imi

Sarome maci, ntika di meci

Amaniae..........

Maco ndi hanta, dinca di anca

Ngarimu tolo magaga tala

Hantapu sarau loaku eda sara,a

Aina ncara rumpa, mada doho malampa rimpu

Amancawae..........

Tiwa,u mu ili di sia malampa ulu

Katiosi gegana, wancuku ipi gagana

Konemu rimpu ili karinga weaku eli

Elimu ma alu na midi kone ala

Amaniae..........

Angi ma kasiso, aina ipi ka susu

Tio walipu wunga lampa wela

Aina ipi patu, mai kai ba ncara pata

Kombi laina mode wara kai midi

Amancawae..........

Samada ra eda wara kai midi

Tiloa ndi co,o ndai ma sama ca,u

Kone mu ciri waraku cara

Su,u na fare, wa,u ra bune ana fari

Amaniae.........

Tiwa,u ndi ili sia malampa ulu,

Kabaya kala wa,u ra karu kila,

Ka ngena ku ita ndi malao oto

Loaku nuntu ntiri waraku di nenti

Amancawae..........

Do,o na doro ade pidu dore

Dei na sori kalampa sora

Tewe ku ati, nggomi ndi lao oto

Kone tapa ba rui, di malao londo rai

Amaniae.........

Warasi wi,i aina nefa di wa,a

Ta kacampo tedi waraku nggahi matada,

Tanda ne’e ndai ma kacampo nu’u

warasi umu sa,e tu, upu uma

Amancawae.........

Sampuru dua ri,i wa,u ra wara sara,a

Ade nika ra neku, wa,u ra wara ma niki

Tiru wara ndi uri, wa,u ra mpoi ndi uru

Nbotora dou ma ngena ndai ma doho dua

Syair By : Alan Malingi

Ana Ma Lao Ngupa Ama

Ina...... Waraku Eli di da loaku ili

Eli ma to’i tiloa di te’e

Saraka akana, katiosi uma tiwara edaku ama

Ana..... Kantaba oi madaku, ringa elimu ede anae

Amamu ma lao di rasa ma kalai

Watipu edeku pokuna, ncoki adeku ncengga ra ncangga

Ina........Mbeipu ngarana mada ma ngupa ngarona

Kombi ka loampa rumpa ade woha dou ma rimpa

Ciwi mba’a mada waura na’e mbi’i

Aina kambemba mada ma sapa balumba

Ana....... aina tio wela la wili ina

Ade sanggentu cole , watimpa ma’umu cola

Kawarampa ade ndi sia ede, pehera pahu sia ake ma pehemu

Ina.......... ncoki adeku kawarasi ede.

Oi mada tingawana midi

Kangampu weapu ncara ra kancaru

Mada ma lao di rasa ma kalai

Ana......... Ricupu poku rambali di sarumbu ina

Aina ntoi wi’i paki dou ma tua

Tiwa’uku imi kombi sandakempa umu

Ina.......... Kante’epu ade di dawara kai mada

Lopi di co’o laina tanda da ca’u

Mada ma tu’u kai lopi ma to’i

Hanta pu rima raho pamao di ruma

Ana........ Doho di rengge kade’e nggomi ma rongga

Pana na liro ka sia sawa’u, kangena ana ma samada ina

Dula ana.... dula ana.... akeku inamu....